Proa de proteziun zivila – ega da bëre Al Plan

Atenziun: chësc inserat n'é nia plü atual!

Proa de proteziun zivila – ega da bëre Al Plan

Stimada popolaziun d’Al Plan,
Dan da n ann, de messé 2020, edl sté na roa co á trat ia le ró dal’ega prinzipal danter fontana de Fojedöra y i reservars. Por fortüna éra jüda da cuncé döt te püc dis.
Per ester arjignés cá a cöstes situaziuns é le comun adöm al consorz dal’ega da bëre tal laur da laoré fora en plann de emergënza, co dëss brancé dantadöt en cajo de mancianza de ega da bëre.
Por arjunje cösc, metunse da jí na “Proa de proteziun zivila” – y i periun dô Osta colaboraziun.
Periun döta la popolaziun d’Al Plan da fá pára en dedemesaledema ai 10.11.2021 y da slü le “Hauptschieber” dal’ega dales 23.00 y spo endô da le daurí les 24.00.
Ciases privates, hotí, boteghes, lüs da paur, stales, ecc.
Te cösta ora, danter les 23.00 y les 24.00 vegnal perié da slü le Hauptschieber y ensciö nia consumé ega, lascé jí mascinns da laé, slü l’ega da bëre ai tiers tles stales, destaché implanc wellness y e.e.
Por informaziuns de vigne sort y domandes, prëibel contaté: i stödafüs d’Al Plan sot al nr. 0474501222 co é a disposiziun en lönesc y dedolönesc dales 17 y les 19 (8-9.11.2021) y en dedemsaledema ai 10.11.2021 dales 21.00 ales 24.00.
I se ringraziun belo danfora dla colaboraziun y prëibel da mené inant cösta informaziun.
L’ombolt Felix Ploner y le presidënt dal consorz dal’ega Robert Trebo.

08/11/2021